طايش بس عايش المدير
الجنس : عدد المساهمات : 137 تاريخ الميلاد : 23/09/1989 تاريخ التسجيل : 01/09/2009 العمر : 35 المزاج : رايق
| موضوع: قصة بنت في رمضان << حللللوه ^_^ السبت سبتمبر 05, 2009 12:37 am | |
| سلااااااام
هذي القصه وترا ميب مشكلتي لو صرتوا زيه غايبين عن ذاك الدرس ^_^
#
في احد ايام رمضان المبارك كنت ماخذة اجازة من الصيام,
و خلصت صلاة الفجر ...
وذهبوا افراد العائلة كلٌ إلى مرقده كما أعتقدت
هم راحوا لغرفهم من هينا ..
وانا انطلقت للمطبخ من هيناك
أخذت لي فيمتو و شبس و طلعت لغرفة التلفزيون مبتهجة
وبينما أنا في خضم البلع والقحن والكركرة على مسلسل كوميدي كنت اتابعه وداخلة جووو الا وينفتح الباب واشوف وجه كذا
ويطلع أخوي " يونس " -طالب في المرحلة المتوسطة يميل الى الامتلاء يملك عيون عسلية و حواجب كحلية - كان يونس في أشد الدهشة والانبهار والتعجب حتى ظننت انه قد يموت بسكتتن قلبية
يونس : ماصمتيييييييييييي
!!!!!!!
أنا وفي يدي كأس مليء بالثلج وكيس شبس كبر وجه أخوي يونس : ليه أنت صايم ؟؟
يونس : وجع ..من جدك تسألين هالسؤال ؟
أنا بكل ثقة وبجاحة: والله انت بعد سألني نفس السؤال
يونس: والله انتي اللي جالسة تبلعين وتشربين موب انا
ممممممم شفت الولد ماعنده نية يفهم ,
استوعبت انه يااما انه كان غايب في درس الفقه منهج سادس ابتدائي ..
يااما ان مدرسهم طمر الدرس , ولا وش ذا الدلاخة
ومافيه مجال أصير ناسيه وأنا مجهزة العدة,كاس ثلج وسترو ومنقيه الشبس اللي أبيه
المهم قلت في نفسي والله لو يموت مااعلمه انا عن ذا العلوم..مو لهالدرجة انا وسيعة صدر
فما كان مني الا اني فجأة قلت له
: اسمع بقولك سر بس بذمتك لايدرون امي وابوي ولا احد ,
أوعدني ماتعلم احد وانك تحفظ سري هذا لين أموت..
ان مت علم اهلي ,
عاد خلاص مايقدرون يسوون لي شي
واللللللللللللللللللللللللللله ماأقول لأحد ..
اقسم بايات الله
وبالقران
والكعبة
وجعلي اموت
اني مااقول لااحد اذا علمتيني
خرجت هذه الكلمات من أخي يونس بحماس مشبع بالسعابيل المتناثرة التي لامست وجهي
:أجل شف بصراحة أنا مسيحيــــــــة
:لا والله !! قولي قسم بالله
:انا مسيحية ولا أقدر أحلف لان ديني غيركم
عشت الدور على طول بس بقولك القصة يمكن تخف روعتك شوي
وتقدر تتفهمني و تحتويني وتحتضني
(حسيتني بخرب الولد)
القصة ومافيها ..
أني انا يوم كنت صغيرة ,
ترى أهلي ماكانوا مهتمين فيني زيك,
كانوا بس يخلوني عند التلفزيون ويروحون يتمشون..
تعرف انا اول طفل لهم وامي وابوي كانوا توهم صغار وطايشين و طفرانين ببعض وانا حسوني دخيلة بينهم ماادري ليه جابوني بسرعة اذا هم مايبغوني
فجأة شفت عبرة خنقت يونس ذو القلب الكبير وهو يتابع بصمت وفضول وغباء
طيب ليش أجل تلبسين عبااااااية !! وانتي منتيب زينا < قاطعني أخي يونس بكل دلاخة
رديت بنفس النبرة الكسيرة : حتى الفلبينيات يلبسون عباية..انا كنت البسها زيهم احسبها يونيفورم لسعوديات
ورجع من جديد بسؤال أذكى قليلا من السابق : طيب ماعلموك المدرسة الاسلام ؟!!!
:لا كنت أنام في الحصص وفي الاختبارات أغش
واستطرد في القصة..
فلما كبرت وجيت أنت ..
حبوك أمي وابوي من كل قلبهم وخافوا من أني انتبه لهالحب أو احسدك عليه
فقام أبوي يبي يلهيني بشكل أكبر ..حط لي نت وقال لي هذا لك اما هذا لنا "مشيرا بأصبعه المشعر إليك " وخذوك معاهم ورحتوا تتمشون
يونس >
المهم صرت أحس فيه سر لازم أعرفه وصرت أدور في هالنت
وانتشر هنا وهناك واتبعثر واتبخر واتكور الى ان
أخذتني رياح الأقدار الى امراءة
تدعى الأم تيريزا
وقلت لها قصتي واحتوتني واعطتني الحنان اللي حرموني منه اهلي
اللي يكرهوني ويحبونك انت
بعدها صرت أحبها واسميها ماما ..
ومع الوقت علمتني المسيحية وقالت اعتنقيها ياابنتي واعتنقتها وأهلي مايدرون وللحين مايدرون
يونس بلم وهو في حيرة وده يرد ولا هوب عارف خاصة انه حس نفسه السبب وتعاطف معاي صمت لبرهة وبرهات وفجأة قال : طيب ماتفكرين تسلمين ؟
لا أخفيكم سرا ..
جتني ضحكة كبيرررررررررررة
الا أني بلعتها لدرجه صبت دموعي وسويت نفسي أبكي,
قلت له بصوت مخنوق : بس ماأعرفه ...أنا ماأعرف في هالحياة الا أمي تيريزا
داخ راسي من كثر الخرط عليه وجاني النوم ...
قمت وعطيته كاسي بعد ماشربته كله وقلت خذ رجعه للمطبخ أنا تعبت من الصياح بروح أنام
@#$%#@#$%@#$%@#$%@
جاء يوم غد ..
وفجأة أسمع شي يخربش تحت باب غرفتي ..
حامت كبدي حسبته صارور ...
قمت ابشوف مادريت الا كتيب ديني يندعس تحت الباب
واشوف ..الا عنوانه
Islam ???!!
وافتح الباب بسرعة بشوف من اللي حاطه , الا واسمع صوت باب غرفة يونس يتسكر بقوة
هههههههههههههههههههههههههههههههههه ياانا ضحكت ضحكة بغت تنكسر شبابيك غرفتي خلاص معد استحمل ,هالولد تحفة لازم تنحط في متحف اللوفر ,لعنبوا بليسه وش ذا المخ
طيب يوم انك بتدعوني ليه جايب لي كتاب دعوة بالانجليزي ,
شايفني شغالة ,
على باله يوم صرت مسيحية معد افهم عربي ,
ماادري ذا الولد مخه وين
المهم انا عقب هالضحكة نسيت الكذبة ,
ولهيت بمشاغل الحياة < مشكلة البزي ومن
ومر كم يوم ,
وصدفت ان يونس مر جنب غرفتي وانا لابسة جلالي وأصلي,
وأنا أسجد مادريت الا بصوت رجول تراكض متجه نحوي ,
واجلس من السجود الا ويونس يصيح ويحب راسي
أنا خلااااااص بفطس من الضحك ,
يالله كملت التشهد وسلمت ,
الا وياخذني بالاحضان يونس صاحب القلب الكبير
الحمداللللللللله أسلمتي ,الحمداللللللللله أسلمتي
ودموعه تتقاطر على كتفي
( ياكثر مايوصخني ذا الولد يابتفال يابدموع ..الله يصبرني ) بس والله رحمته جاني الصياح صدق ,
ماأدري هو أن عشت الدور ولا صياحه صيحني
المهم
ويمر أبوي قدام هالمشهد التراجيدي وينهبل
وجععععععع خير انهبلتوا ..وش صاير
ويونس من هول سعادته كب العفش والعشا والقش كله
بنتك أسللللللللللمت أسلللللللمت
وللأسف انجلدت بعدها بس عادي ومشت على يونس الفتى صاحب القلب الكبير هو و كتيبه الدعوي
وكل رمضان وأنتو صايمين | |
|
روح بس جروح مشرفة المواضيع العامة
الجنس : عدد المساهمات : 153 تاريخ الميلاد : 03/03/1989 تاريخ التسجيل : 29/08/2009 العمر : 35 الموقع : جده العمل/الترفيه : طالبة و للاسف المزاج : رايقه
| موضوع: رد: قصة بنت في رمضان << حللللوه ^_^ الثلاثاء سبتمبر 08, 2009 2:40 am | |
| مشششششششششششششششششششششششششششككككككككككككككككككووووووووووووووووورررررررررررررررررررررررر | |
|
just me المدير
الجنس : عدد المساهمات : 903 تاريخ الميلاد : 26/09/1989 تاريخ التسجيل : 28/08/2009 العمر : 35 الموقع : جده العمل/الترفيه : طالب و للاسف المزاج : مستطرب
| موضوع: رد: قصة بنت في رمضان << حللللوه ^_^ الثلاثاء سبتمبر 08, 2009 2:45 am | |
| يسلمووووووووووووووووووووووو خيو | |
|
محد قدي..سعودية مشرفة عامة
الجنس : عدد المساهمات : 73 تاريخ التسجيل : 31/08/2009 المزاج : مستانسة
| موضوع: رد: قصة بنت في رمضان << حللللوه ^_^ الخميس سبتمبر 17, 2009 7:59 am | |
| ههههههههههههههههههههههههههههههههههههه وربي توحفه ذا البنت..
لا والاخ مصدق انه مسيحية خخخخخخخخخخخخخخخخ..
يسلموو خيوو لاعدمناك.. | |
|
«~● Ďя.CộΘộLa ●● Admin
الجنس : عدد المساهمات : 938 تاريخ الميلاد : 11/09/1994 تاريخ التسجيل : 24/09/2009 العمر : 30 الموقع : ●فُيٌ بًيُتٌنَاُ اُلِعُ ـُزُيًزُ ●՛ العمل/الترفيه : talba madrasa7 shageya7 المزاج : راااااااايقة باركووووووولي " نجحت " وي وي
| موضوع: رد: قصة بنت في رمضان << حللللوه ^_^ الأحد سبتمبر 27, 2009 11:59 pm | |
| مشكووووووووووووووور خيوووو
القصة حلوة بس أخوها دا تحفة >> لو عندي أخو زيوو أضحك عليه متى ما ابغى هههههه
يسلموووووووو وتقبل مروري
جذا!اب وحبي عذا!اب | |
|
✿ Me iF u caN
الجنس : عدد المساهمات : 588 تاريخ الميلاد : 28/06/1990 تاريخ التسجيل : 24/09/2009 العمر : 34 الموقع : فــــي دار الحرميـــــن ... العمل/الترفيه : ۟ العلم : ولازلت طالب في مدرسة الحياة ... مبدٍئي (مٍن ظن انه قد علم .. فقد جهل ) المزاج : حالي حالك
| موضوع: رد: قصة بنت في رمضان << حللللوه ^_^ الخميس أكتوبر 29, 2009 9:10 pm | |
| ههههههههههههههههه القصه كتــــــــير روعه تسلــــــم خيو تقبل مروري . . . كذااب.. بس جذااب | |
|